O encaixe

O encaixe é unha das artesanías máis coñecidas da Costa da Morte. O movemento das mans habilidosas entrelazando palillos e fíos sobre unha almofada, seguindo un patrón, é moi característico. O son rítmico, case hipnotizador.

O historiador local Xan Fernández Carrera cóntanos que os comerciantes de puntillas máis importantes da Costa da Morte estiveron en Muxía. Exportaban a Cuba, a Arxentina, a México,… Mercaban a puntilla ás palilleiras, almacenábana en caixóns e despois levábana a Sudamérica en barcos, onde tiñan os seus distribuidores, moitos dos cales eran emigrantes muxiáns. Outro destino do encaixe foi a Península ibérica.  

Grazas a este intenso tráfico comercial construíuse a parte nova de Muxía en torno ao cabo da Vila. Aquí tiñan a súa casa os comerciantes que fixeron fortuna a finais do século XIX e a primeira metade do XX. 

Precisamente, a primeira cámara do fotógrafo Ramón Caamaño comproulla seu pai grazas ao comercio coas puntillas que confeccionaba a súa nai.

Ligazóns

MÁIS QUE VER

Busca os QR!

Como ler un código QR?


Descarga as audioguías das nosas rutas sensoriais: Ruta da Vila, Ruta a Touriñán-Nemiña e Moraime-Area Maior.

Ampliar información

Rede Turística

Busca o que precises durante a túa visita entre os negocios adheridos!

Ampliar información

Vídeos Muxía TV

Coñece Muxía!

Concello de Muxía   Rúa Real, 35 - 15124 Muxía   Telf.: 981 742 117   info@caminandocaraomar.com
  • GAC 3 Costa da Morte
  • Fondo Europeo de Pesca
  • Ministerio de Agricultura, Alimentación y Medio Ambiente
  • Consellería do Medio Rural e do Mar
  • Web municipal Muxía